سوات واقعہ تے پوری قوم ݙکھی اے ، ڈی سی کوں معطل کرݨ دی بجائے وزیراعلیٰ خیبرپختونخوا کوں استعفیٰ ݙیوݨا چاہیدا ہئی، وفاقی وزیر اطلاعات و نشریات عطاء اللہ تارڑ

اسلام آباد۔ 28 جون (اے پی پی) وفاقی وزیر اطلاعات و نشریات عطاء اللہ تارڑ آکھیے جو سوات واقعہ تے پوری قوم ݙکھی اے، صوبائی حکومت کئی گھنٹے گزرݨ دے باوجود وی پھتے لوکاں کوں ری??کیو نہ کرسڳی، عوام دی فلاح و بہبود دا پیسہ اَتے وسائل احتجاج اَتے دھرنیں تے استعمال کیتا ڳیا اَتے ہݨ آکھدن جو خیمے لاوݨ میݙا کم کائی، ڈی سی کوں معطل کرݨ دی بجائے وزیراعلیٰ خیبرپختونخوا کوں اس??عف??ٰ ݙیوݨا چاہیدا ہئی، خیبرپختونخوا اچ کرپشن دے ریکارڈ قائم کیتے ویندے پئن، ملک دے خلاف ٹویٹ کرݨا ہووے تاں تحریک انصاف ساریں توں اڳوں ہوندی اے۔ وزیر مملکت قانون و انصاف بیرسٹر عقیل ملک دے رلے اہم پریس کانفرنس نال خطاب کریندے وزیر اطلاعات و نشریات آکھیا جو قدرتی آفات دے دوران ریلیف ݙیوݨ متعلقہ حکومتاں دی ذمے واری ہوندی اے، اٹھارویں ترمیم دے بعد پراونشل ڈیزاسٹر مینجمنٹ اتھارٹیز دا قیام عمل اچ گھن آیا ڳیا جیں دے تحت صوبائی حکومتاں اے ذمے واری نبھیندیاں ہن اَتے لوکاں کوں ریلیف ݙیندن ۔ پرویز الہی اساݙے سیاسی مخالف ہن مگر ری??کیو 1122 دا قیام چوہدری پرویز الہی دا چنڳا اقدام اے، جݙاں اساݙی حکومت آئی تاں 1122 ری??کیو سروسز کوں نہ صرف پنجاب بلکہ پورے ملک اچ کھنڈایا ڳیا اَتے کے پی اچ وی اے سروس موجود اے۔وفاقی وزیر اطلاعات آکھیا جو دریائے سوات تے ہک افسوسناک واقعہ پیش آیا جیں تے پوری قوم ݙکھی اَتے رنجیدہ اے، وزیراعظم وی ایں واقعہ تے گہرے ݙکھ اَتے افسوس دا اظہار کیتا۔ صوبائی حکومت ایں واقعہ دے بعد ڈپٹی کمشنر سوات کوں معطل کیتا جݙاں جو ڈی سی کوں معطل کرݨ دی بجائے وزیراعلیٰ خیبرپختونخوا کوں اس??عف??ٰ ݙیوݨا چاہیدا ہئی جو ڈھٹائی نال آکھدن جو میݙا کم خیمے ݙیوݨ کائنی۔ وزیراعلیٰ خیبرپختونخوا اڈیالہ اچ بیس کیمپ قائم کیتا ہویا اے، کیا خیبرپختونخوا دی عوام تہاکوں مینڈیٹ ایں ڳالھ دا ݙتا ہئی جو تساں “ورک فرام اڈیالہ کرو”۔ عوام تہاکوں عوامی خدمت کیتے مینڈیٹ ݙتے ۔ انہاں آکھیا جو سوات سیاحت دا مرکز اے مگر 12 سالاں اچ تحریک انصاف دی حکومت انفراسٹرکچر کوں تباہ کر ݙتے، ری??کیو دا نظام قائم نی کیتا ونڄ سڳیا جو لوکاں کوں ری??کیو کر سڳدا، کئی گھنٹے گزرݨ دے باوجود پھتے لوکاں کوں ری??کیو نی کیتا ڳیا ، خیبرپختونخوا دا او ہیلی کاپٹر جیڑھا بانی پی ٹی آئی غیر قانونی طور تے استعمال کریندے ہن اَتے وزیراعلیٰ وی پورے صوبے اچ ایں ہیلی کاپٹر تے پھردن، او ری??کیو کارروائی کیتے کیوں استعمال نئیں کیتا ڳیا۔ بیچارے سیاح عورتاں اَتے ٻالاں سودھے اپݨی زندگی بچاوݨ کیتے چیخ و پکار کریندے رہیے مگر اتنے گھنٹے گزرݨ دے باوجود انہاں دی مدد کوں کوئی نئیں آسڳیا۔ اے سیاحواں دی نئیں تحریک انصاف دے نظام دی موت تھئی اے۔وفاقی وزیر عطاء اللہ تارڑ آکھیا جو علی امین گنڈا پور دا اصل کم اسلام آباد تے چڑھائی کرݨا اَتے لوکاں کوں ݙنڈے ݙیوݨ اے، سرکاری املاک کوں ضیان پڄاوݨ کوئی بہادری اَتے کارنامہ نئیں اے۔ انہاں آکھیا جو اتنا بے حسی دا عالم اے جو 9 توں 12 لاشاں دریا توں کڈھیاں ڳئیاں اَتے وزیراعلیٰ آکھدن جو میں اوتھاں خیمے ݙیوݨ ٻھاں؟ اے میݙا کم کائںی، کیا لوکاں دیاں زندگیاں بچاوݨ تہاݙا کم کائنی ؟ لاء اینڈ آرڈر، لیڈی ریڈنگ ہسپتال کوں ٹھیک کرݨا تہاݙا کم کائںی؟ چنڳیاں یونیورسٹیاں بݨاوݨا تہاݙا کم کائ??ی ؟ تہاݙا کم اسلام آباد تے حملہ کرݨا، سرکاری املاک کوں نقصان پڄاوݨا، ڳالھیں کڈھݨا اے؟۔ پراونشل ڈیزاسٹر مینجمنٹ اتھارٹی (پی ڈی ایم اے) کوں صوبیں اچ آفات نال نبٹݨ کیتے بݨایا ڳئے، عوام دے ٹیکس دا پیسہ پی ݙی ایم اے کیتے استعمال تھیندے۔ خیبرپختونخوا اچ کرپشن دے ریکارڈ قائم کیتے ویندے پئن۔ ݙی سی دا کیا قصور اے، تہاݙی کرپشن دے قصے ہن، ارباں روپے دا کوہستان سکینڈل وی سامݨے آئے جیں دا نیب نوٹس گھدے، غریب عوام دا پنجاہ کروڑ روپیہ اپݨے صوابدیدی فنڈ اچ پاتا ڳئے۔انہاں آکھیا جو خیبرپختونخوا حکومت مکمل طور تے نا??ام تھی چکی اے، 12 سال دی حکومت وݙے وݙے دعوے کریندی ہئی، ہݨ عوام دیاں جاناں ون٘ڄݨ دے بعد دریا دے کنارے تجاوزات یاد آڳئیاں اَتے ہݨ آکھدن جو اینٹی انکروچمنٹ آپریشن کریسوں، تساں پنجاب نال موازنہ کر گھنو، مریم نواز پہلے ہی پورے صوبے دے ضلعیں دے اندر اینٹی انکروچمنٹ آپریشن شروع کروا ݙتے جݙاں جو انہاں کوں آئے ہوئیں اڄے ݙڈھ سال وی کائنی تھیا۔ انہاں آکھیا جو کیا جاناں چلی ونڄن تاں ایں دے بعد فیصلے تھیندن لیڈر شپ دور اندیش ہووے تاں اے فیصلے کہیں حادثے توں بچݨ کیتے وقت توں پہلے کریندی اے۔ وفاقی وزیر عطاء اللہ تارڑ آکھیا جو پوری ایڈمنسٹریشن چیف سیکرٹری سودھے سوات اچ موجود اے مگر لوکاں کوں ری??کیو کرݨ اچ نا??ام رہے۔ اے ورک فرام اڈیالہ کݙاں تئیں چلسی۔ وزیر اطلاعات آکھیا جو جݙاں ملک دے خلاف ٹویٹ کرݨا ہووے تاں ساریں توں پہلے پی ٹی آئی ہوندی اے، کاش تساں لاء اینڈ آرڈر اَتے ڈیزاسٹر مینجمنٹ اچ نمبر ون آندے اَتے ایمرجنسی سروسز اَتے ریلیف دے حوالے نال اپݨا پورا نظام وضع کریندے تاں اساں تہاکوں آکھیندے جو تساں کمال کر ݙتا۔ وفاقی وزیر اطلاعات آکھیا جو تساں پورے نظام کوں معطل کرو ہک ڈی سی کوں معطل کرݨ نال کیا تھیسی۔ کے پی حکومت دی توجہ سیاسی کماں، انتشار اَتے کرپشن تے اے، ہک سیاحتی مرکز تے پہلے توں اقدامات کیتے ویندے اَتے لوکاں کوں بروقت ری??کیو کیتا ویندا۔ہک سوال دے جواب اچ وفاقی وزیر اطلاعات آکھیا جو وزیراعظم ہمیشہ آکھدن جو ایں ملک دی تعمیر و ترقی اچ اپوزیشن کوں اپݨا کردار ادا کرݨا چاہیدے، اسمبلی اجلاس اچ وزیراعظم اپوزیشن نال مصافحہ کیتا، پارٹی الیکشن کراوݨ قانون دے مطابق تحریک انصاف تے فرض ہئی، جݙاں تساں قانون دے تقاضے پورے نئیں کیتے ایں دے نتیجے اچ تہاݙا انتخابی نشان چلا ڳیا تاں ول ایں جماعت کوں ری??رو سیٹاں کیویں مل سڳدیاں ہن جیں دا پارلیمان اچ وجود ہی کائنی ۔ وفاقی وزیر اطلاعات آکھیا جو تحریک انصاف پہلے ایم ݙبلیو ایم جوائن کرݨی ہئی، ایم ݙبلیو ایم دا پارلیمان اچ وجود ہئی مگر انہاں سنی اتحاد کونسل کوں جوائن کیتا جو الیکشن اچ موجود ہی کائناں ہئی۔ عطاء اللہ تارڑ ہک سوال دے جواب اچ آکھیا جو چیف سیکرٹری کوں اوتھاں ون٘ڄݨ دی ضرورت کائناں ہئی، وزیراعلیٰ کوں خود ون٘ڄݨا چاہیدا ہئی، جݙاں اسلام آباد اچ آ تے سوات دے بارے اچ جواب ݙتا ویندے تاں وزیراعلیٰ دی بے حسی تے سوال اُٹھدے۔